ADIMEN EMOZIONALAREN INGURUAN KUXKUXEATZEN...

Oraingo honetan adimen emozionalaren inguruan lan egitea egokitu zaigu. Hasieran, eta irakasleak gaia planteatu zigunean, adimen emozionalari buruz asko ez genekiela konturatu ginen. Beraz, sarean pixkat kuxkuxeatzeari ekin genion, eta, bilaketa horren ondorioz, adimen emozionalaren inguruko hainbat web orri eta bideo interesgarri topatu genituen.  

Hasteko, geneukan galdera nagusiari erantzuteko, "zer da adimen emozionala?", bi bideo apropos aurkitu genituen, gai honetara gerturatu gintuztenak. 

Bestetik blog interesgarri hau topatu genuen, non adimen emozionalak duen garrantzi handia ulertu genuen. 

Adimen emozionalaren erabilerarekin jarraitu genuen gero. Informazio hau jada ezaguna zen hikhasi orrialdean aurkitu genuen, non emozioen erabileraren azalpen zehatz batekin topatu ginen.

Gaiarekin jarraituz adimen emozionalak zer egitera eramaten gaituen era bikain batean azaltzen zigun bideo hau aurkitu genuen.

Azkenik bi web orri interesgarri hauek topatu genituen. Lehenengokoan adimen emozionalak hezkuntzan duen funtzio eta garrantziaren gaia jorratzen da. Bigarrenean, ordea, adimen emozionala nola landu daitekeen era zehatzean azaltzen da.

Beraz, eta gai honi buruz lehen baino pixkat gehiago jakinda, gehiago kuxkuxeatzeko gogo ikaragarriz gaude!!

IRAKASLEAREKIN IKASITAKOAZ

Lan hau egiterako orduan, gutako bakoitzak bere irakasle ohi batekin izaniko elkarrizketa abiapuntutzat hartu dugu, eta horrela, ideia ezberdinak partekatuz, honako eskema hau osatu dugu, non irakaslearen jarrera, funtzioak... zeintzuk izan behar diren zehaztu ditugun, besteak beste. Hona hemen guk mindomo orrialdean eginiko eskemaren azalpena:



-> MINDOMOKO ESKEMAREN AZALPENA:

Aurkezpen honetan guk egin dugun lanaren inguruan hitz egingo dizuegu. Taldean elkartu ostean, bakoitzak bere irakasleak esandakoa agerian utzi dugu eta informazio guztia jaso eta gero, eskema bat osatu dugu. Eskema horretan, goian ikusi daitekeen bezala, zazpi arlo ezberdin bereiz ditzakegu, jarraian azalduko ditugunak:

1. Irakaslearen funtzioa: Irakasleak metodo ezberdinen bitartez, ariketak eginez, jokoen bitartez edota gaia praktikan jarriz haien ikasleei irakatsi behar die. Ikasleek pentsatzen ikasi behar dute. Buruz ikasten ohituta gaude, baina ikasteko era hori ez da batere efektiboa. Buruz ikasten dugun guztia ahaztu egiten zaigu. Horregatik, beste metodo bat praktikan jarri beharko genuke. Beste alde batetik, ikasleak prestatu behar ditu etorkizun baterako, haiek irakasle izatera iristen direnean ez ikaratzeko eta lana kontrolatzen dutela ohartarazteko. Irakasleak helburu batzuk ezarri behar ditu ikasleen arteko harremanak onak izan daitezen, haien arteko konfiantza berreskuratzeko eta  jarrera egokia izan dezaten. Gauzak eginez ikasi egiten dugu. Behin eta berriz ariketa bat eginez gero, ikasi eta azkeneko emaitza egokia izango da baina horretarako ikasi egin behar dugu. Hori da irakasleak erakutsi nahi gaituena eginez ikasten dugula.

2. Euskararen erabilpena: Gaur egungo hezkuntzaren munduan, euskarari garrantzi handiagoa eman behar zaio eta horretan ados agertu ziren elkarrizketatutako irakasle guztiak. Beraz, euskarari erabilpen handiagoa emateaz gain, gure artean ere zabaldu  egin behar dela aldarrikatzen dugu. Izan ere, askotan ikusi eta entzun izan ditugu zenbait haur gazteleraz hitz eginez, euskaraz hitz egin beharrean; ondorioz, gaztelera sahiesten saiatu behar gara neurri batean, horrela euskarari eta baita beste hizkuntzei ere indarra emateko. Azkenik, adierazi behar dugu, euskara ez dela soilik eskolan erabiltzeko hizkuntza, baizik eta eskolatik atera eta gure egunero bizitzan ibili beharreko hizkuntza da. 

3. Aurreiritziak: Askotarikoak izaten dira aurreiritziak gradu hau egiterako orduan, esaterako, lan erraza eta sinplea dela diote batzuk. Beste batzuek, ordea, lan benetan zaila dela adierazten dute, besteak beste. Lan erraza dela dioten horiek, honako argudio hauek erabiltzen dituzte beraiek duten aurreiritzi hori defendatzeko: estresik gabeko lana dela, ordutegi oso ona duena, opor luzeekin, etxerako lan handirik gabe… Baina, benetan lan zaila dela pentsatzen dutenek, ordea, honako argudio hauek erabiltzen dituzte beraien ideia defendatzeko: umeekin etengabeko arazoak izaten direla, talde giro txarra sortarazi daitekeela, azalpenak ematerako orduan zailtasunak… Azkenik, ikasle eta irakasleen arteko arazoak ere gertatzen direla pentsatzen dutenak daude, umeen jarrera desegokiaren ondorioz eta beraiek sortutako iskabilen ondorioz sortutakoak. Beraz, argi dago aurreiritziak askotarikoak direla baina bakoitza oinarri ezberdinekoa da, alegia.

 

4. Kalifikazioak: Kalifikazioak dira ikasleei gehien arduratzen diena, eta ez benetan ikastea. Irakasle batzuek diote saritu behar dena lana egin izana dela, eta ez azkarra izan eta ezer egin gabe nota ona ateratzea. Honekin zera esan nahi dute, garrantzitsuena ez dela amaierako nota, baizik eta eboluzioa. Hasieratik bukaerara aldaketa bat nabaritzea, eta ikasleak ikastea, bakoitzak behar duen denbora hartuaz. Bestalde, kalifikazio onena lortzea ez dela garrantzitsuena irizten dute, baizik eta pertsona bezala heztea. Azken finean, bizitzan hori beharko baitu ikasleak. 

5. Teknologia: Azken urteotan, teknologia gero eta indar handiagoa hartuz joan da eta hori oso argi ikus daiteke gure gizartean, non ia dena teknologiarekin dagoen erlazionaturik. Horren adibide argi bat, hezkuntzaren munduan aurki dezakegu, non teknologiak gero eta eragin handiagoa duen eta horrek, gauza guztiak bezala, bere alde on zein txarrak izan ditzake. Alde onei dagokienez, aipatu behar dugu, informazioa modu errazago batean aurkitzen laguntzen duela teknologiak, horrela, lanak egitea ere erraztuz. Baina, alde txarrei dagokienez, ordea, aipatu behar da, adi egoteko zailtasunak sortzen dituela uneoro teknologiaren menpe egoteak eta horrek, arazoak sortzen ditu lanak egiterako orduan. Azkenik, esan dezakegu, teknologiak gehiegizko indarra duela gaur egungo gizartean eta jende asko teknologiaren menpe bizi dela, eta hori ez da batere ona. Beraz, egokiena zein komenigarriena, erdiko puntu bat bilatzea izango litzateke, non teknologia garrantzitsua izango litzateke, baina ez zuen inor menpean izango.

6. Hezkuntza berezia: Hezkuntza sistema oso orokorra da, denontzat berdina eta bakoitzak izan dezaketen berezitasunak kontuan hartu gabe. Ikasle bakoitzak bere ezaugarriak ditu eta horiek kontuan hartu beharko lirateke, ume bakoitzaren garapena aztertzeaz eta jarraitzeaz batera. Horrela ez bada, ikaslea ikasketa prozesutik kanpo geldi daiteke, izan ere ikasi beharreko hori ez zaio ikasleari moldatzen. Bakoitzak dituen ezaugarri eta gaitasunak kontuan hartzen badira, hauek bultzatzeko aukera dago eta ume bakoitzaren gaitasunei ahalik eta etekin gehiena atera daiteke.

7. Jarrera: Zenbait pertsonek irakaslearen ikuspuntu okerra dutela iruditzen zaigu. Irakasleek dena jakin behar dutela pentsatzen dugu eta ez dituztela akatsik egiten. Baina irakasleak, guztiok bezala gizakiak dira eta beraiek ere nahasi eta akatsak egiten dituzte. Irakaslearengan dugun harremana nahiko hotza izaten da normalean, konfiantzarik gabekoa. Hala ere, gure ustez, irakaslea, irakaslea izateaz gain, gure laguna izan daiteke, arazo baten aurrean, laguntza eske joatean bertan laguntzeko prest egonez. Harekiko gertutasuna edukitzea garrantzitsua dela uste dugu, bakoitzaren iritzia adierazteko beldurrik edo lotsarik gabe aurkitzeko sentsazioa eskuratzeko. Irakasleak motibatu egin behar zaitu, lana aurrera ateratzeko kapazitatea dugula sinestarazi behar digu eta guregan duen konfiantza adierazi behar du. Azalpenak sinpleak, ulerkorrak eta errazak izan behar direla pentsatzen dugu. 

-> ETA, AZKENIK, MINDOMOKO ESKEMA:

   

Make your own mind maps with Mindomo.

AUTISMOA: ERAGOZPENA EDO ABERASGARRIA?

Aurreko egunean, irakaskuntza funtzioko irakasleak hezkuntzaren inguruan interesatzen zitzaigun gai bat aztertzea eskatu zigun. Guk, berehala izan genuen argi hezkuntza bereziaren inguruan egin behar genuela lana eta ziztu bizian lanari ekin genion. Izan ere, gai hau bioi asko gustatzen zaigun gaia da, oso interesgarria iruditzen zaigulako hezkuntza bereziaren egoera zein den aztertzea gaur egungo hezkuntzaren mundu korapilatsuan. Horrez gain, lan hau egitera bultzatu gaituen beste arrazoietako bat, iraganean arazoak dituzten haurrekin izaniko praktikak izan daitezke, baita horrelako haur bat ezagutzeko nahia ere. Dena den, uste dugu, gizarte honetan oraindik ere pausu handi asko geratzen direla arazoak dituzten pertsona hauek era arrunt batean ikusi zein tratatzeko, ez baita zerbait arrunta bezala ikusten. Ondorioz, gure ustez, egoera hori aldatzeko eman beharreko lehen pausua informatzea da, gaixotasun hau izateak dakarren faktore eta ezgaitasun guztiak aztertuz.

Gure bilaketari dagokionez, nagusiki, umeen artean ematen diren gaixotasunen inguruan aztertzean aritu gara, hau da, gaixotasunak izan ditzaketen ondorioak aztertzen eta haien inguruan informatzen. Bilaketa horretan,  oso interesgarria iruditu zitzaigun gaixotasun batekin egin genuen topo, eta gaixotasun hori autismoa da. Autismoa pixka bat aztertu ostean, oso gaixotasun berezia dela ohartarazi gara, hainbat arrazoi direla medio, esaterako: umearen enpatia eta mundua ikusteko era aldatzen eta erabat suntsitzen du autismoak; umeak ez ditu sentimenduak ulertzen eta bere zentzumenekiko hotz azaltzen da; ez du morala zer den ulertzen eta horrez gain, guretzat arruntak diren egoerekin segituan estresatzen dira (kremailera bat igotzearen kasuan, besteak beste) …

Baina bestetik, eta hau da harrigarriena, hainbat gauzetarako gaitasun berezia dute, hau da, urritasuna duten pertsonak gaitasun berezi bat dute, beste pertsonek ez dutena. Adibidez, beraien bizi osoan zehar ezagutu dituzten pertsona guztien izenak gogoratzeko gaitasuna dute, baita kalkulu zailak buruz egiteko gaitasuna ere, bestak beste. Beraz, esan dezakegu, nahiz eta bizitzarako ezinbestekoak diren hainbat arlo burutzeko gaitasunik ez izan, beste hainbat egoeratarako berebiziko gaitasuna dutela, eta hori da haur hauek berezi egiten dituena.

Gainera, aitortu behar dugu, hasiera batean ideia sinple eta soil bat genuela autismoari buruz, baina sarean kuxkuxeatzen aritu ondoren, harrigarria iruditu zaigu aurkituriko informazioa eta bide batez, gaixotasun honi buruzko gauza gehiago jakitea lortu dugu, aurretik ez genekiena, jakina: zein gaitasun berezi dituzten … Izan ere, ez genuen inondik inora ere imajinatzen gaixotasun hau hain “berezia” eta interesgarria suertatuko zenik. Era berean, oso garrantzitsua da esatea, begiratu ditugun web orriez gain, informazioa “El viaje de Maria” eta “Academia de especialistas” bideoen bidez eskuratu dugula, autismoa oso era xamurrean azaltzen duten bideoak, alegia. Bideo hauek, oso interesgarriak zein hunkigarriak direla ere aipatu behar dugu, errealitateko zenbait egoera islaturik agertzen baitira.

Bestetik, autismoari buruzko lan hau egin izanak, zer pentsarazia eman digu eta hainbat erabaki hartzera bultzatu gaitu, informazio hau jaso baino lehenago hartuko ez genituenak: esaterako, urritasun hau pairatzen duten pertsona batek laguntzarik behar badu, hor egotea laguntza hori eskaintzeko prest; baita ere, horrelako haur batekin izatean, ezin dugula haur hori beste haur guztiak bezala tratatu, haur horiek zaintza eta atentzio maila handiago bat behar baitute … Beraz, urritasun hau pairatzen duten haur batekin izatean, asko ikasi dezakegula jabetu gara, beraiek ez baitira gainontzeko haurrak bezalakoak, bereziak baitira. Eta berezitasun hori, gainontzeko umeen betiko jokabideetatik irten eta mundua ulertzeko beste modu bereziago batean oinarritzen da.

Gainera, aipatu behar dugu, lan hau egiterako orduan hainbat baliabide erabili ditugula, edozein lan egitea errazten dutenak, alegia. Baliabide horietako batzuk, internet sarean dagoen informazioa, bideoak, eta batez ere, eta guztietatik garrantzitsuena, errealitatean aurki ditzakegun egoerak dira, gaixotasun hau oso ikusia baita guri inguratzen gaituen gaur egungo gizarte honetan. Horrez gain, arestian aipatu dugun bezala, gai honen inguruan ikertzera bultzatu gaituena, mundu korapilatsu hau ezagutzeko nahia da, hau da, beraien pentsatzeko eta jokatzeko modua ulertzeko nahia, oso interesgarria iruditzen zaigulako. Gainera, autismoak izan ditzakeen ondorioak ere ezagutu ditugu, hau da, zailtasunak izatea eguneroko edozein egoera aurrera eramateko orduan, baina aldi berean, gaitasun berezi bat izatea eta hori da haur horiek berezi egiten dituena.

Heziketa bereziari buruzko lana egin behar genuela adierazi genienean gure taldekideei, oso interesgarria iruditu zitzaien guk arlo hau jorratzeko genuen nahia. Horrez gain, heziketa bereziaren barruan autismoaren gaian zentratuko ginela adierazi genien eta beraiei ere, guri bezala, asko interesatu zitzaien autismoari buruz zerbait gehiago jakin ahal izatea. Gainera, aipatu behar dugu, lanari buruzko informazioa aurkitu ahala, are eta gehiago harritzen zirela autismoak izan zitzakeen ondorioei buruz, ez baitzuten espero horrelako ondorioak izan zitzakeela. Gure ustez, adierazi behar dugu, pertsona askok pentsatzen dutela autismoari buruz oinarrizko bi gauza jakitea nahikoa dela, baina guk lan hau egin ostean, iritzi hori aldatu dugu eta horrela pentsatzen duten pertsona guztiei gomendatuko genieke autismoari buruzko informazioa aurkitzea, asko harrituko diren izugarrizko mundu eder eta interesgarri baten barneratuko baitira.

Lan hau amaitu baino lehen, ezinbestekoa iruditzen zaigu hezkuntzaren munduan haur bati atentzio handiagoa eskaini behar zaiola adieraztea, gure ustez, irakasle batek klase bat ematerako orduan ezin baita ume guztiek duten beharrez jabetu, eta beraz, atentzio handiagoa aldarrikatzen dugu gaixotasun hau jasaten duten haurrentzat. Beraz, autismoa duten haurrenganako errespetua eta tolerantzia eskatzen dugu.

Horrez gain, urritasun hau duten pertsonen alde lan egiten duten elkarteei eskerrak eman nahi dizkiegu, beraien borondate on eta konpromisoagatik, haur hauentzako mundu hobeago bat eraikitzen dihardutelako egunak joan eta egunak etorri. Beraz, elkarte hauek gure esker on eta errespetu osoa dute. Elkarte horietako batzuk, honako hauek dira: Atzegi, Apdema eta Aspace, besteak beste.

Azkenik, autismoak harri eta zur utzi gaituela aipatu behar dugu eta oso aukeraketa ona egin dugunaren sentsazioa dugu, gauza berri asko ikasi baititugu. Gainera, ikasiriko gauza oro gaur egungo errealitatean aplikatu genezake, eta beraz, oso aberasgarria dela esan dezakegu. Eta ez dugu pentsatu behar autismoa pairatzen duen pertsona bat beste edozein pertsona baino gutxiago dela, guk baino imajinazio gehiago izateaz gain, ikaragarrizko barne mundu bat dutelako, gainontzeko pertsonok inoiz izango ez duguna. Beraz, ez du zertan inolako eragozpenik izan behar pertsona autista bat zure aldamenean izateak, beraiengandik ere asko ikasi dezakegulako!

Beraz, informazio guzti hau eman ondoren eta autismoaren alde onak zein ez hain onak aipatu ditugularik, norbere gogoetara bultzatzen duen honako galdera hau planteatzen dugu: autismoa, eragozpena edo aberasgarria?

 

 

GORPUTZAREN ASKATASUNA

 

 

 

Ainhoa eta biok dantzaren inguruan hitz egitera erabaki dugu, gustuko dugun kirola baita.

 

 

Dantza arte mota nagusietako bat, musika edo literaturarekin batera. Gorputzaren mugimenduan oinarritzen da, musikaren laguntzaz edo ez. Komunikazio modu bat da, sentimendu eta keinuen bidez adierazitakoa. Dantza, sormenezko terapia moduan ere erabiltzen da. Terapia hau baliagarria da alzehimerra eta beste dementzia batzuk dituzten pertsonentzat, beren emozioak adierazteko aukera ematen zaielako.

 

 

Dantza mota ugari sortu dira azken urte hauetan baina gure arreta ekarri gaituena sabel dantza izan da. Sabel dantza bai psikikoki eta baita fisikoki oso egokia dela ikasi dugu. Norbera bere gorputza ezagutzen dijoa, bere gorputza askatzen. Gorputza eta askatze horrek konfiantza eta autoestima ematen dizu. Gauza guztientzako irekiago zaude, jendearen aurrean,bizitzaren aurrean... Gure gorputzari automasaje bat bezala egitea izango litzateke.

 

 

Dantza mota honetan gehiengoak neskak dira. Horren atzean emakumeen biologia dagoela esaten dute: menstruazioaren jetsiera,  erlazio sexuala, haurdunaldia, erditze momentua, menopausia.

 

 

Ikerketen arabera, gaur egun, postura txarra hartzen ditugu. Gure bizitza oso dijoa sabelaren inguruan, bizkarra okertu egiten dugu eta honek arazo larriak eta min handia eman ditzazke. Sabel dantzak postura desegoki horiek zuzentzen laguntzen ditu eta astrosia ere ekidin dezake. Gure gorputzaren mugimendu faltak sortzen ditu arazo horiek. Sabel dantzak hortaz oinarrituta, bizkarrezurra indartzeko ariketak egiten ditu.

 

Guretzat dantza egitea dibertigarria, lasaia, sexia,estresatik liberatzen zaituena eta jendearekin batzen zaituena da.

 

Sabel dantzaren onurak ikusi eta gero, dantza mota hori probatzeko ilusioa sartu zaigu. Dibertigarria iruditu zaigu eta gure lotsa alde batean uzteko egoera aproposa dela pentsatu dugu. Libre izateko sentsazio hori sentitu nahi dugu inorren begirapean eta bestalde, gure gorputza indartu eta egoera fisiko onean mantentzen lagunduko digula pentsatzen dugu. Harreman berriak egiteko aukera eta bizitzaren aurrean lotsa hori kentzeko aukera paregabea izango da.

 

Sabel dantzaren inguruko informazioa interneten aurkitu dugu, bertako informazioa irakurriz ikasi dugu zertaz oinarritzen den dantza mota hau, zer lantzen duten gehien bat, batez ere emakumeak direla sabel dantza praktikatzen dutenak eta gure gorputza forma onean mantentzeko balio  duela.

 

Beste alde batetik, elkarrizketa batean aurkitu dugu sabel dantzaren inguruko informazaio gehiago.

Entzun eta interesgarria iruditu zaigu, horregatik, horren inguruan idaztea erabaki dugu. Dantza mota honek dituen onurak jendeak ezagutzea nahi ditugu. Oraindik oso zabaldua ez dagoen dantza mota bat da eta ilusioa egiten digu zertan oinarritzen den azaltzea eta bere alde onak agerian uztea.

 

Gure taldekideei azaldu diegu zertan oinarritzen den dantza mota hau, zertarako balio duen eta bere alderdi onak zeintzuk diren ere adierazi dizkiegu. Egia esan, neskei interesgarriagoa iruditu zaie mutilei baino, interes handiagoa jarri dute eta probatzeko ilusioarekin geratu dira. Mutilei, berriz, ez zaie hainbesteko interesa piztu, baina ulertzekoa da mutilei beste kirol batzuk gehiago gustatzea eta dantzaren inguruan ezer jakin nahi ez izatea. Gure taldeko mutilei galdetu diegu ea dantza mota hau probatuko zuten eta ezetz erantzun dute. Alde batetik, lotsagatik, eta beste alde batetik, dantza gustoko ez dutelako.   

 

Azken finean guk dantza egiten dugunean gure tentsioak, emozioak askatzen ditugu. Libre sentitzen gara, disfrutatu egiten dugu eta hobeto sentiarazten laguntzen gaitu. Horregatik gustuko dugu dantza.

   



 

 

 



SASKIBALOIA BALIO ITURRI

Bilatu dugun informazio honen laguntzaz ikasi dugu saskibaloiaren bidez ere balio asko barneratu daitezkela, eta modu eraginkorrean gainera. Saskibaloia talde kirola denez honekin lotutako balio asko barneratzeko lagungarria da.

Esaterako, errespetua eta tolerantzia barnera daitezke saskibaloiaren bitartez, bakoitzaren ekintzak eta besteenak ebaluatzen baititu saskibaloi jokalari batek. Horrez gain, laguntasuna sortzeko ere lagungarria da kirol hau, talde kirola denez taldekide artean lagunak izatea ez da batere zaila.

Autoestimarako ere lagungarria izan daitekeela ikasi dugu, norberak badakielako zein diren bere mugak saskibaloian eta horrela norberak bere nortasuna indartu dezake.

Talde kirol ia guztiak bezala konpromisorako ere lagungarria da kirol hau, azken finean umeek taldearekin konpromisu bat hartzen ikasten dute eta hori gerora oso lagungarria da. Gainera konpromisua talde kirol honetan balio garrantsitsuenetakoa da, eta askotan zaila da gazteei barneratzea. Urtean zehar askotan gertatuko da partidu baten aurrean jokalari batek nahiago izango duela beste gauza bat egin partidura joan baino. Eta hor sartzen da taldearekiko eta entrenatzailearekiko konpromisua, gazte askok nahiago izango dute berarengan bakarrik pentsatu eta taldeari huts egin eta partidura ez joan, baina beste batzuk taldearekin konprometituta daudenek beren beste planak alde batera utziko dituzte eta partidura joango dira taldeak bere beharra daukalako naiz eta gero ez jolastu. Taldearekiko konposisua hartu baduzu azken egunerarte bete behar duzu.

Horrelako beste balore asko barnera daitezke saskibaloiaren bitartez.

Konturatu gara saskibaloia hezkuntza iturri garantzitsua izan daitekeela, ez eskola edo gurasoak bezala, baina garrantzi handikoa. Beraz oso garrantzitsua da saskibaloiko entrenatzaile guztiak ondo formatuak egotea. Konturatu behar dira ume askoren eredu direla, eta balore hauek trasmititzen eta erakusten saiatu behar dira beti lehiakortasunaren aurretik.

Hau guztia jakin ondoren,ni, Ane, saskibaloiko entrenatzailea naizenez, haurrekin ditudan entrenamenduak pixka bat aldatuko ditut, balore hauek barneratzea erraztuko dien ariketa gehiago jartzen saiatuko naiz, azken finean  bizitzan partiduak irabaztea baino garrantzitsuagoa da balio horiek edukitzea.

Aurretik esan dugun guztia internet bidez ikasi ahal izan dugu, orrialde desberdinak irakurriz,esaterako orrialde hau oso interesgarria iruditu zaigu, bertan saskibaloiarekin lor daitezkeen balioak oso ondo azaltzen baititu.

Hau ikasteko egin duguna, interneten kuxkuxeatzea izan da, hainbat orri ezberdin bilatu irakurri eta horien artean interesgarriak iruditu zaizkigunak aukeratu eta besteak alde batera utzi ditugu.

Honen inguruan ikertzera bultzatu gaituena zera da: bioi kirola asko gustatzen zigula, biok praktikatzen dugu kirola eta kasu hontan saskibaloia aukeratu dugu biori gustatzen zaigun kirol bat delako, eta interesgarria iruditu zaigulako ikustea nola hezi daitekeen kirol honen bitartez, denok entzun dugu noizbait kirola bai umeentzat eta bai helduentzat garrantzitsua dela, baina gehienak pentsatu ohi du forma fisiko onean egoteko dela garrantzitsua kirola,hau irakurri ondoren, ordea,  ohartu gara hori baino askoz onura gehiago dituela, eta hezitzeko modu bikaina izan daitekeela kirola, beti ere eskolan ikasten diren gauzekin tartekatuz. Beraz saskibaloia onura fisiko eta mentalez aparte, gizatean elkarbizitzeko derrigorezkoak diren baloreak irakasteaz ere arduratzen da.

Taldekideei harridura pixkat eragin die, ez baitzuten uste saskibaloiaren bitartez hainbeste gauza ikas zitezkeenik, eta ez zutelako uste kirola hain garrantzitsua izatera irits zitekeenik. Beraz, egindako lana interesgarria iruditu zaie eta hau ikusita, hemendik aurrera kirolari garrantzi gehiago emango diotela uste dugu, benetan garrantzitsua dela ohartu baitira.

Lana orokorrean interesgarri iruditu zaigu guri ere, nahiz eta saskibaloia asko gustatu ez genekizkien gauza asko ikasi baititugu.

IÑAKIREKIN SOLASALDIAN

Irakaskuntza funtzioko irakasleak miresten genuen maisu/maistra bat elkarrizketatu behar genuela esan bezain pronto lehen hezkuntzan nire irakasle eta tutore izan zen Iñaki elkarrizketatu behar nuela pentsatu nuen. Beraz, arratsalde horretan bertan lan egiten duen ikastolara abiatu nintzen, proposamena eskaintzeko ideiarekin. Iñakik nire proposamena entzuterakoan baietz esan zidan, zalantzarik gabe elkarrizketa egin ahal niola erantzun zidan, egia esan, ez nuen gutxiagorik espero.

Iñaki ikastolan bigarren zikloan egokitu zitzaidan irakaslea da, nire tutore izan zena. Nire bizitza osoan zehar izan dudan irakasleen artean onenetarikoa izan dela esan dezaket. Alde batetik bere klase emateko era berezia zen. Izan ere, ez zituen edukiak hala nola ematen. Gugan interesa pizteko ematen zituen, benetan interesgarriak zirela ikusteko, gugan jakinmina sortzeko. Honetaz gain oso irakasle gertua zen, oso maitekorra, beti zuelako irribarre edo aholku on bat. Gainera klasetik kanpo geneuzkan interesak sustatzen saiatzen zen, horren ondorioz askotan animatu ninduen ipuin-lehiaketetara aurkeztera, asko laguntzen zidan horrekin. Iñaki "hitza batean" definitu behar banuke, zera esango nuke: bere lana benetan maitatzen duen pertsona dela bera, eta nagusia naizenean bera bezalakoa izatea gustatuko litzaidakeela.

Gaur bertan egon naiz Iñakirekin. Elkarrizketarako lekua? Bere etxeko sofa erosoa, non, zuku eta hainbat gailetekin batera, bere bizitza, lanbide eta pentsamenduen inguruan egon gara hizketan. Solasaldi entretenitua izan da, dudarik gabe, gai guztiak jorratu ditugulako: teknologia berriak, hezkuntza berezia, bere ibilbidean zehar agertutako oztopoak, urte hauetan zehar bildu dituen oroitzapenak, etab. Etxetik eraman ditudan galderek Iñakik bere pentsamenduko ateak irekitzera lagundu didate. Izan ere, 30 urtez lanean ibili den irakasle hau lotsatia izan daiteke hasieran, baina behin eroso sentitzean erabat irekitzen da.

Izan dugun elkarrizketaren ondorioz lehenagotik banekiena ziurtatu dut, Iñaki gehien miresten dudan irakaslea dela. Ez dakit zergatik, agian bere lanarekiko sentitzen duen maitasun eta grina da, edo pertsonak tratatzen dituen era, edo bere pausuak eta bidea jarraitu nahi duzula jakiteko duen boterea… Ez dakit zer den, baina gauza bat daukat argi, haztean, bera bezalakoa izan nahi dut, bera izan delako nire oinarria irakasle izan nahi dudala erabakitzeko. Eta etorkizunean bere ahotik nitaz harro dagoela entzutea espero dut.

Karmeleri egindako elkarrizketa

Pasaden eguneko elkarrizeketa, lehen hezkuntzan izandako Karmele izeneko irakasleari egin nion, berez ez da izan orain arte izan dudan irakaslerik onena baino bai bereziena. Emakume honek, bere bizitzako 26 urte eskeini dizkio irakaskuntzari. Klasean erabili zuen metodologia izan da gaur egun berataz oroitzapen atseginak izatera eraman nauena.

Hasiera batean elkarrizketa hau egiterakoan biek genuen lotsa, gainera deserosotasun puntu bat ere nabaria zen, izan ere denbora asko pasa zen gure artean azkenengoz hitz egin genuenetik. Baina denbora aurrera joan ahala, lotsak alde batera utzita, elkarrizketa interesgarri batean murgildu ginen eta azkenenan uste baino azkarrago pasa zitzaigun denbora.

Elkarrizketari dagokionez hainbat galdera eraman nituen prestatuta etxetik, eta galdera hoiekin, Karmelek irakasle moduan izan duen ibilbidearen laburpen bat lortu nuen, lehenengo egunetik gaur egunerarte. Eta baita eta urteen poderioz izan duen eraldaketari buruz ere egon zen hizketam. Hitz egiten genuen bitartean bere ikasle gineneko hainbat anekdota kontatu zizkidan, eta beraz oroitzapen mordoa etorri zaizkit burura. Gainera horri esker prestatuak ez neuzkan galderak botatzeko aukera eman zidan, eta horrela interesatzen zitzaizkidan gaietan sakontzen nuen.

Esan bezala, irakasle honengandik ditudan orotzapen guztiak atseginak izateak,  berak gurekin erabili zuen irakasteko moduaren ondorio da. Bere irakasteko era, gure parte-hartzean oinarritzen zuen, hasiera batetik gure interesak bilatzen zituen eta interes horiek habiapuntutzat hartuta horri buruz sakontzen saiatzen zen, beti modu dinamiko batean. Horri esker bere garaian irakatsi zizkidan gauza asko gogoan ditut oraindik.

Elkarrizketa amaitu zenean, Karmele beste ikuspuntu batetik ikusteko aukera izan nuen. Berataz asko ikasteaz gain, etorkizunerako erreferente izan zitekeen, bere jokatzeko eraren inguruan erabilgarriak izan daitezkeen hainbat gauzekin geratu nintzelako. Azkenik bakoitza bere aldetik joan baino lehen, esperientzian oinarritutako baliogarriak izan zaizkidakeen hainbat aholku eman zizkidan, eta eskertzekoa izan zen. Honekin amaitutzat eman genuen. 

   

 

 

IRAKASLEARI ELKARRIZKETA

 

 

 

 

Elkarrizketa hau nire ingeleseko irakasleari egin diot, Juankar izena dueña. 2 urtetan eman zidan klase eta nire tutore izan zen bietan. Garai hartan nik 12 urte nituen eta Bilabonako eskolan nengoen.

 

Oroitzapen handiak ditut Juankarretaz. Miresmen handia izan diot,izan ere, niretzat apoio bat izan zen eta asko lagundu zidan. Zalantzak izanez gero, tarteka joaten nintzen harengana eta lagundu egiten zidan.

Irakaslea aukeratzeko momentuan ez nuen inolako arazorik izan, lehenengotik jakin nuen Juankar izango zela.

 

Elkarrizketa hau egitea oso interesgarria iruditu zait. Alde batetik, bere bizitza ezagutu eta berak irakaskuntzan igarotako 30 urteetan izandako esperientzia eta berak hezkuntzaren inguruan duen ikuspuntua ezagutu egin dudalako.

Beste alde batetik, elkarrizketa honek ere balio izan dit ikusteko ze garrantzitsua den bere ustez, irakasle eta ikasleen arteko harremank onak, konfiantzazkoa izatea.

 

Elkarrizketa hau egitea ez zait batere astuna egin, denbora azkar pasa zait, erantzun luzeak eta ondo adierazita eman dizkit eta, egia esan, espero nuena bano lasaiago egon naiz.

Gustora sentitu naiz berarekin eta izan dugun splasaldia atsegina izan da.

 

 

 

XABIER URKIZAREKIN ELKARRIZKETA

Ostiralean, arratsaldeko 17:30etan, nire irakasle ohia zenarekin izan nuen hitzordua, Xabirekin hain zuzen ere. Xabi nik asko miresten dudan irakaslea da eta horren ondorioz, bera hautatu nuen elkarrizketa bat izaterako orduan. Bera hautatzeko beste arrazoietako bat, bere esperientzia da, hainbat urte daramatzalako hezkuntzaren munduan murgildurik eta aspektu eta adin ezberdinetako pertsonekin ibilia da, besteak beste. Beraz, ez nuen inongo zalantzarik izan elkarrizketa nori egin behar nion hautatzerako orduan.

Elkarrizketa hura bere etxean egin genuen, berak nahiago baitzuen bertan egin eta orokorrean, bikain joan zen. Hasiera batean pixka bat urduri nengoen, baina denborarekin urduritasun horiek alde batera utzi eta solasaldiari ekin genion. Gainera Xabirekin nolabaiteko harremana dut aspalditik, beraz ez nuen inolako arazorik izan edozein zalantza galdetzerako orduan. Horrez gain, Xabi hobeto ezagutzeko parada eman zidan elkarrizketa horrek eta egia esan, oso interesgarria iruditu zitzaidan berak aipaturiko hainbat arlo: ikasketak, bere pentsatzeko modua …

Elkarrizketari dagokionez, lehenik eta behin, galdera moduko batzuk aurrez eginak eraman nituen, elkarrizketari nolabaiteko sarrera emateko. Baina behin elkarrizketa hasi genuelarik, ez nuen gainontzeko galderen beharrik izan, etenik gabeko solasaldi batean murgildu ginen eta. Horrez gain, aipatu behar dut, oso gauza interesgarriak komentatu genituela eta gauza horiei buruzko bere iritzia ere adierazi zuela; esaterako, Lomceri edo hezkuntzaren munduan euskarak duen erabilpenari buruzko iritzia adierazi zuen, besteak beste.

Gainera, nire txikitako oroitzapenak ekarri zizkidan gogora hainbat gauza aipatu zituenean. Adibidez, ostiral arratsaldetan izaten genituen tailerrak (non berak zeramika tailerra lantzen zuen), ondarroako piztinetara egiten genituen bidaiak, jaialdiak … Egia esan asko poztu ninduen horrelako ekintzak oraindik ere martxan daudela jabetzeak, oso ekintza aberasgarriak direla iruditzen zaidalako ume baten heziketa prozesuan.

Amaitzeko eta arestian aipatu dudan bezala, solasaldi eder bat izan genuen eta Xabi gehiago ezagutzeko aukera izan nuen. Beraz, esan dezaket oso pozik irten nintzela berarekin izan nuen solasalditik eta baita bera ere, eta horixe da garrantzitsuena.

ANA JAUREGIRI EGINDAKO ELKARRIZKETA

Nik egin dudan elkarrizketan nire lehen hezkuntzako irakasle ohiari egin nion, Ana Jauregiri. Ana Jauregi tolosarra da, baina nirekin koinziditu zuen Toki-Alai eskolan laugarren mailan. Betidanik asko apreziatu dudan irakaslea izan da eta elkarrizketa hau egiteko esan zidatenean, berehala pentsatu nuen berengan.

Elkarrizketa egiten ari nintzen bitartean irudi eta pentsaera asko etorri zitzaizkidan burura, lehen hezkuntzan Anarekin koinziditu nuen urtekoak. Egoten nintzen gela, patioko futbol partiduak, nire txikitako lagunak, irakasleak... oso momentu polita iruditu zitzaidan, eta asko pozten naiz berriz berarekin elkartzeak hainbeste urte pasa ondore. Gainera irakasle hau benetan asko apreziatzen dut eta lan honetan lagundu eta gero are gehiago. Txikitan arazo asko izan nituen bere klaseetan, asko kostatzen zitzaidan irakasgaiak aurrera eramateak baina bere laguntzaz eta bere motibazioari esker azkenean lortu nuen dena aurrera eramatea eta berak niregan sinesteak betirako eskertuko diot.

Bestalde Ana asko poztu zen,nik beregan pentsatzea eta esan zidan oso arro zegoela nitaz. Elkarrizketa egin ondoren esan zidan oso gustura aritu zela eta animo handiak eman zizkidan, unibertsitatean jarraitzeko.

Beraz nik uste dut magisteritza ikasteko gogoak hortik etortzen zaizkidala. Txikitan Anaren laguntza behar izan nuen, benetako irakasle baten laguntza nuen. Berak demostratzen zidan niregan benetan sinesten zuela eta arazo guztiak aurrera eramaten lagunduko zidala. Beraz nik Ana bezalako irakaslea izan nahi dut etorkizunean, nun laguntza behar duten umeei laguntzeko prest nagoen.

Maider Semperri egindako elkarrizketa

Nik elkarrizketa dbh-n izandako irakasle bati egin diot, Maider Semperri, bera ni bezala Beran bizi  da eta izan dudan irakaslerik onena izan da, klasetik kanpo ere niretaz arduratu izan delako eta nola esplikatzen zuen asko gustatzen zitzaidalako.

Elkarrizketa hau taberna batean egin genuen, kafe bat hartzen genuen bitartean.

Elkarrizketan uste baino gusturago egon naiz, hasieran ez nekien nola hasi galderak egiten baina azkenean nahigabe irten zaizkit galderak. Hagitz gustura sentitu nintzen berarekin, eta neuzkan zalantza guztiak galdetu ahal izan nizkion, berak ahal zuen neurrian argitu zizkidan zalantzak.

Konturatu nintzen momentu zailak pasa dituela irakasle denetik hainbat arrazoi direla eta, hala ere berak esan zidan  nahiz eta pertsonalki gaizki egon ikasleen aurrean ondo egoten saiatu behar dela.

Lan interesgarria iruditu zait elkarrizketa hau, azken finean irakaslea beste ikuspuntu batetik ezagutu ahal izan dut, bere ikasle bizitza nolakoa izan zen eta profesionalki orain nola eramaten dituen gauzak ikasi ahal izan dut, eta bere metodoa gustatu zait. Atentzioa deitu zidana zera izan zen, berak dioela pentsatzen ikasten erakutsi behar dela eta ez dena buruz ikasten, berak dioenez horek ez du ezertarako balio, azterketatik atera bezain laster ahaztuta edukitzen baitu ikasleak.

Laburbilduz, irakaslearekin egondako denboran oso gustura egon naiz eta kontatu dizkidan gauzak interesgarriak iruditu zaizkit, baita emandako aholku eta animoak ere.
Azken finean irakaslearengana hurbildu nintzen eta hori lagungarria izan daiteke hemendik aurrera ditudan zalantzak edo noizbait zerbait behar izanez gero errazago galdetuko diodalako.

La educación prohibida

Gaur ikusitako pelikula 18 urteko mutil batek eginikoa da eta gaur egungo hezkuntza kritikatzen du. Horretarako gaian adituak diren hainbat pertsona elkarrizketatzen ditu, hauek leku ezberdinetakoak dira Txile, Argentina,Ekuador,Espainia... Elkarrizketatutako pertsona hauek ez daude ados gaur egungo hezkuntza sistemarekin ez baitute uste eraginkorra denik. Izan ere, umeak informazioa buruz ikastera behartuta daude eta errealitatean ez dute ezer ikasten.

Gu ados gaude pelikula honek egiten duen kritikarekin baina iruditzen zaigu irtenbide bat ere eman beharko luketeela. Hezkuntza motaren arazoak azaltzen dituzte baina hoiek konpontzeko biderik ez dute erakusten. Nahiz eta pelikulako ideia nagusiarekin ados egon bertan azaltzen dena praktikan jartzea ia ezinezkoa dela iruditzen zaigu, izan ere, hezkuntza sistema erabat suntsitu beharko zen berria sortzeko, gainera zaila izango zen hezkuntza berri hori definitzea. Jarraian filma hau kritikatzen duten bi artikulu ikusiko ditugu: de como se falla por ser imparcial , feroz ataque a la escuela publica
Lehenengo artikuluari begira bertan egiten duen kritika nagusia bideo hau aberatsei zuzendua dagoela da, hau da, publizitate hutsa dela eskola berri hoietara jende gehiago joan dadin , eta familia ideala behin eta berriro aurkezten du arazoak dituzten familiak kontuan hartu gabe. Guk ikusi dugun zatian familiaren irudi hori ez da agertu baina kritika hau egin duenarekin ados gaude, izan ere, familia guztiek eskubidea dute hezkuntza jasotzeko bere egoera ekonomiko nahiz soziala kontuan hartu gabe.
Bigarren artikuluari dagokionez, bertan esaten da beraien iritzi bereko adituak bakarrik hartzen dituela kontuan eta ez hezkuntza tradizionalaren alde dauden pertsonak. Hala ere, pelikulan planteatzen diren hainbat ideiekin ados dago baina uste du bi iritzi desberdin agertu behar direla gero ikusle bakoitzak berea aukera dezan, eta filma honek ez du aukera hori ematen. Kritika hau egin duenarekin erabat ados gaude, ideiekin ados egon arren ideia hauek inposatzen direla uste dugulako, eta ez dute hezkuntza tradizionalaren inguruan ezer onik esaten.

Kaixo, Gasteizko majisteritza eskolan ikasten gabiltzan ikasleak gara eta blog bat egin dugu hezkuntzaren inguruan interesatzen zaizkigun gaiak elkarren artean konpartitzeko. Honen bidez, albiste edo bitxikerien berri modu desberdin batean jabetzeko aukera izan dezakegu. Espero dugu guk helarazitako informazioa baliagarri izan dadin ondo pasatzen duzuen bitartean... ONGI ETORRI KUXKUXERO GUZTIEI!!!!

Badakigunez, gaur egungo teknologiak oso aurreratuta daude, baina agian aurrerapen horiek garapen positibo bat suposatu beharrean, gizarte mailan atzerapauso bat izan dira. Einsteinek esan zuen bezala "temo al dia en que la tecnología sobrepase humanidad: el mundo solo tendrá una generación de idiotas". Jarraian arazo hau isladatzen duten bi argazki ikusiko ditugu.

 

 

 

  Argazki honek ez du ia azalpenik behar, literalki ikusten da nola mugikor bat liburu baten gainetik dagoela. Gauza bat liburuen irakurketa oso ohikoa ez izatea da,baina hau ez da irakurketa liburua , klaseko liburu bat baino, ikastolan dagoenaren seinale. Mugikorrarekiko sortu diren menpekotasunak adin gazteko ume batek mugikorrak klase orduetan erabiltzera eraman badu, kezkatzeko gaia da. Klasean egoera hau suertatzen bada, imagina ezina da zenbat denbora eskainiko dion halako ume bakoitzak egun osoan zehar haien mugikorrekin.

 

 

Badakigu zailtasunak edo urritasunak dituzten pertsonak daudela, baina horiek ere besteok bezala ikasteko eskubidea daukate nahiz eta beraien modura egin, ondorengo bideoan ikus daiteke haur itsu batek nola deskribatzen dituen loreen koloreak.

 

 

 

 

 

 

Orain ikusiko duzuen web orriak euskal hezkuntzaren printzipioak aldarrikatu eta ezagutaraziko digu,oso interesgarria da irakasleek web orri honetan  parte har dezaketelako beraien ideiak transmititzeko .